أهنيك من قلبي قدرت إنك تبكيني
وحق الله يالغالي أنا من القلب هنيتك
كذا روحي تعللها ولا لي من يواسيني
وأنا اللي بكل معنى الحب والإحساس حبيتك
أهون عليك وحياتك كذا وحدي تخليني
تنسى عشرتي وتروح وعمري بلحظة ما نسيتك
حبيبي قول ما بقلبك إذا زعلان صافيني
تدري كم أنا أحبك وتدري كم صافيتك
أنا مقدر على زعلك ولا إنك تجافيني
عساني ما تهنى لو أنا في يوم جافيتك
أريدك ما تصدقهم كل اللي حكو فيني
عذول وفيهم الغيرة عشان بعمري أنا فديتك
حبك ساكن بقلبي ويجري في شراييني
عشقتك يوم ما شفتك وخليل الروح سميتك
تدلل بس على روحي ولو تطلب نظر عيني
وحق الواحد المعبود معاه القلب أنا عطيتك
ولك عهد الوفا مني أقضي عندك سنيني
مطيع بكل ما تأمر ولو حارس على بيتك
منى نفسي أنا شوفك ولو خلسة بيكفيني
ملكت الكون ساعتها وتاج الراس خليتك
حبيبي لا تعذبني تراه البعد يظنيني
ورجيتك لا تحسسني أنا غلطان غليتك
نار العشق يا عمري ترى بالله تكويني
تشعل في وسط صدري بأول يوم أنا ريتك
حبيبي عودلي رجواك قبل موتي يوا فيني
قبل لا تنطفي شمعة زمان كان مضويتك
مليك الروح لا تنسى إذا ما تقدر تجيني
تذكر يا بعد عمري كم أنا تمنيتك
وإذا جـــــالك خــبـــر مـــوتي أنا مــا أريــــــد تبكيـنــي...
أنـــا مـــا أريــد أتـعـــذب عــشــان بيــــوم بكـيــــــتـــك...
تـــرى لـــي بــس طــلب واحـــد أنـــت اللـي تـــواريني...
تـلـبـسـني الكفــن بــأيــدك قــــبـــري تـلحـّـده بغـيــتـــك…
ولـــــو تسمــح بــدل إســـمــي شــهــيـــد الحب سمينــي...
وعــلـى قـبـــري زرع وردة دخـيــل الله تـــرجـــــيــتك...
كــفـاية عـــروقــهــا جــنـبــي وســــط قـبـري تسلـِّينــي...
وكـــل مـا تـشـم زهــرتـــها أنــــا بالعــرق شميـــتـــــك...
ودوس القــبر بـــأقــدامــك ولـــوما تطـــالعــك عينــــي...
تـــرد الـــروح فـي جســمي وأنــا بالطيـــف نــــاديتـــك...
... من اروع ما قرأت ...
